ពលរដ្ឋសំណូមពរទៅសមត្ថកិច្ចជំនាញបង្រ្កាបកន្លែងទីតាំងលេងល្បែងបញ្ជល់មាន់អនឡាញខុសច្បាប់ M99នៅភូមិឡឥដ្ឋ ផងកុំលង់លក់យូពេក.!
ខេត្តកំពង់ចាម ៖ ប្រជាពលរដ្ឋពិសេសស្រ្តីមេផ្ទះសំណូមពរទៅ អាជ្ញាធរនិងសមត្ថកិច្ច ជួយមានវិធានការបង្រ្កាបទីតាំងលេងល្បែងបញ្ជល់មាន់តាមអនឡាញខុសច្បាប់មួយកន្លែងនៅ ភូមិឡឥដ្ឋ សង្កាត់បឹងកុក ក្រុងកំពង់ចាម ខេត្តកំពង់ចាមផង កុំលង់លក់យូដដែលៗពេក មជ្ឈដ្ឋានមហាជនលើកឡើងថា កត្តានៃការបើកល្បែង"អនឡាញ"បែបនេះហើយ បណ្ដាលឱ្យស្ដ្រីខ្លះ ដែលមានប្ដីជាអ្នកញៀនល្បែង កើតចិត្តក្ដៅក្រហាយ ឈ្លោះប្រកែកគ្នាជាមួយប្ដីញឹកញាប់។ ខណៈប្ដីទៅហូបកាហ្វេ១កែវសោះ បែរជា មិនមកផ្ទះ តាំងពីព្រឹកដល់ល្ងាច ព្រោះរវល់វក់វី និងការផ្សងសំណាង ។ ភ្នាល់ចាក់លុយមាន់ជល់តាមទូរទស្សន៍ បណ្ដាលឱ្យខាតពេល មិនបានទៅធ្វើការងាររកស៊ី ដើម្បីយកប្រាក់មកផ្គត់ផ្គង់គ្រួសារ។ ជាមួយគ្នានោះ អ្នកឈ្នះសប្បាយហ៊ោកញ្ច្រៀវឡើងទ្រហឹងអឺងកង…
